Ինչպես հայտնում է «ՌԻԱ ՆՈՎՈՍՏԻ » գործակալությունը Ուկրաինան ներառվել է ականներից առավել տուժած երկրների ցանկում, ասվում է Կարմիր խաչի միջազգային կոմիտեի (ԿԽՄԿ) մամուլի հաղորդագրությունում։ «Ուկրաինան ներկայումս աշխարհի ամենաշատ ականներից տուժած երկրներից մեկն է: Քանի որ երկրի տնտեսության մեծ մասը կախված է գյուղատնտեսությունից, ականներից, չպայթած զինամթերքից և պատերազմի այլ պայթուցիկ մնացորդներից կարող են խաթարել արտադրությունը տարիներ շարունակ»,- ասվում է փաստաթղթում:
ԿԽՄԿ-ն համարում է, որ աղտոտման այս տեսակը երկարաժամկետ խնդիր է, որը պահանջում է զգալի ռեսուրսներ՝ տուժած տարածքների մեծ հատվածները հետազոտելու, ականների գտնվելու վայրը նշելու և այնուհետև երկարատև և վտանգավոր ականազերծման աշխատանքները սկսելու համար:
«Դա կարող է հանգեցնել վարելահողերի զգալի մասի ոչ պիտանիությանը երկար տարիներ»,- ասվում է փաստաթղթում։
Ուկրաինայում ԿԽՄԿ-ի խոսնակ Աշիլ Դեսպրը ՌԻԱ Նովոստիին հաստատել է, որ այդ տարածքները ներառում են նաև Ռուսաստանի կազմի մեջ մտած շրջաններ։
«Դա վերաբերում է ամբողջ երկրին, անկախ նրանից՝ շրջանները գտնվում են Ուկրաինայի կառավարության, թե ռուս զինվորականների վերահսկողության տակ։ Մենք խնդիրը դիտարկում ենք ամբողջությամբ. մեր տեսանկյունից հարցն այն չէ, թե ով է տեղադրել այս կամ այն սարքը,այլ այն թե որքան են նրանից բխող մարդասիրական ռիսկերը»,- ասել է Դեսպրեսը։