Անհայտ անձը կրակել է Իժեւսկ քաղաքի թիվ 88 դպրոցում. Ոստիկանությունը միջոցներ է ձեռնարկում հանցագործին ձերբակալելու ուղղությամբ։ Այս մասին երկուշաբթի ՏԱՍՍ-ին հայտնել են Ուդմուրտիայի ներքին գործերի նախարարությունից։
«Այսօր ոստիկանությունում հաղորդում է ստացվել Իժևսկ քաղաքի թիվ 88 դպրոցում կրակոցների մասին, դեպքի վայր են մեկնել ոստիկանության աշխատակիցները։ Ձեռնարկվում են միջոցառումներ կասկածյալին բերման ենթարկելու ուղղությամբ»,- հայտնել են մամուլի ծառայությունից։
Ուսումնական հաստատությունից պարզաբանել են, որ ներկայումս տարհանված են աշակերտներն ու ուսուցիչները։
Ռուսական տելեգրամյան մի քանի ալիքներ հայտնում են, որ կրակոցների հետևանքով կա զոհ և վիրավորներ:
Ըստ լրատվամիջոցների՝ կրակոցները սկսվել են դասի ժամանակ։ Սև հագուստով անհայտ անձը ներխուժել է դասարան և սկսել կրակել երեխաների վրա։