Վարչապետ Նիկոլ Փաշինյանը շնորհավորական ուղերձ է հղել Տաջիկստանի Հանրապետության նախագահ էմոմալի Ռահմոնին՝ Անկախության օրվա առիթով:
Ուղերձում ասված է.
«Ձերդ գերազանցություն,
Ընդունեք իմ ջերմ շնորհավորանքները Տաջիկստանի Հանրապետության Անկախության օրվա կապակցությամբ։
Հայաստանը կարևորում է երկու երկրների միջև փոխշահավետ գործակցության զարգացումը՝ հիմնված բարեկամության, վստահության և փոխադարձ հարգանքի վրա:
Համոզված եմ, որ մեր ժողովուրդների միջև պատմականորեն ձևավորված բարեկամական հարաբերությունները հուսալի հիմք են հայ-տաջիկական միջպետական կապերի հետագա ընդլայնման և խորացման համար։
Մաղթում եմ Ձեզ, Ձերդ գերազանցություն, քաջառողջություն և բազում հաջողություններ, իսկ Տաջիկստանի բարեկամ ժողովրդին՝ խաղաղություն ու բարգավաճում»:
