ՀՀ վարչապետ Նիկոլ Փաշինյանը հայտարարել է, թե Հայաստանը պետք է ջանքեր գործադրի Լաչինի միջանցքն ապաշրջափակելու պահանջի մասին ՄԱԿ արդարադատության միջազգային դատարանի որոշումների իրագործման ուղղությամբ։
Նրա խոսքով. «Ի հեճուկս բոլոր դժվարությունների, մենք շարունակում ենք հավատարիմ մնալ և ներգրավված լինել տարածաշրջանային բոլոր հարցերը, ԼՂ հիմնախնդիրը և ՀՀ-Ադրբեջան հարաբերությունները բանակցություններով կարգավորելու քաղաքականությանը։ Մենք պատրաստ ենք նաև տարածաշրջանային տնտեսական և տրանսպորտային կապերի վերաբացմանը՝ նախկինում մեր բարձրաձայնած սկզբունքների հիման վրա։ Պատրաստ ենք նաև սահմանների դելիմիտացիային՝ Պրահայի և Սոչիի պայմանավորվածությունների հիման վրա»։
