Քննարկվում է հայ-ադրբեջանական սահմանին Հայաստանի կողմից ԵԱՀԿ դիտորդներ գործուղելու թեման, մոտ ապագայում այս մասով հստակություն կունենանք: Այս մասին Նորվեգիայի ԱԳ նախարարի հետ համատեղ ասուլիսի ժամանակ հայտարարել է ՀՀ ԱԳ նախարար Արարատ Միրզոյանը:
Ինչ վերաբերում է ԵՄ դիտորդական առաքելությանը՝ Միրզոյանը նշեց՝ հայկական կողմն ակնկալում է, որ ԵՄ դիտորդական առաքելությունը փաստահավաք մաս կունենա և փաստերը կվկայեն, որ այն պնդումները, թե ՀՀ ինքնիշխան տարածքի նկատմամբ ագրեսիա է տեղի ունեցել և կա ադրբեջանական զորքերի ներխուժում ՀՀ միջազգայնորեն ճանաչված տարածք, համապատասխանում է իրականությանը.
«Այս առաքելությանը պետք է վերագրենք նաև հետագա նոր հարձակումների կանխման կարևոր առաքելությունը և կայուն խաղաղության հաստատումը»,-ասաց Միրզոյանը։