ԱՀ քննչական կոմիտեի տարածքային քննչական վարչությունում վարութ է ընդունվել ս.թ. սեպտեմբերի 06-ին՝ ժամը 17:25-ի սահմաններում, ԱՀ Շահումյանի շրջանում տեղակայված ադրբեջանական զինված ուժերի մարտական դիրքերից Ադրբեջանի Հանրապետության զինված ուժերի մի խումբ անհայտ անձանց կողմից ապօրինաբար մեկ ուրիշին կյանքից զրկելու դիտավորությամբ, ազգային շարժառիթներից ելնելով ԱՀ Մարտակերտի շրջանի Խնկավան համայնքի 1970թ. ծնված բնակչի և նրան պատկանող խոշոր եղջերավոր անասունների ուղղությամբ կրակահերթեր արձակելու, սակայն իրենց կամքից անկախ հանգամանքներում հանցագործություններն ավարտին չհասցնելու դեպքի առթիվ ԱՀ քրեական օրենսգրքի 33-103-րդ հոդվածի 2-րդ մասի 7-րդ և 14-րդ կետերով և ԱՀ քրեական օրենսգրքի 33-191-րդ հոդվածի 3-րդ մասի 1-ին կետով հարուցված քրեական գործը: Այս մասին տեղեկացնում է Արցախի Հանրապետության քննչական կոմիտեն։
ԱՀ քննչական կոմիտեից հայտնում են նաեւ, որ նախաքննությունը շարունակվում է:
