ԵՄ-ն և Ճապոնիան դեմ են արտահայտվել G7 երկրներին ուղղված ԱՄՆ-ի առաջարկին՝ արգելել բոլոր արտահանումները Ռուսաստան։ Համարվում է, որ նման քայլն անիրագործելի է. հայտնում է «Financial Times»-ը։
Ավելի վաղ «Bloomberg»-ը հայտնել էր, որ ԱՄՆ-ն և Ուկրաինայի մի քանի այլ կարևոր դաշնակիցներ դիտարկում են դեպի Ռուսաստան արտահանման գրեթե ամբողջական արգելք սահմանելու հարցը։ Եթե այժմ թույլատրվում է մատակարարել Ռուսաստանին ամեն ապրանք, բացառությամբ պատժամիջոցային ապրանքների, նոր մոտեցմամբ կարգելվեն բոլոր ապրանքները, բացի այն ապրանքների, որոնց համար բացառություն է արվել։
