Առողջապահության նախարարությունը հայտնում է, որ Երևան-Գյումրի վթարից տուժած ևս 1 անձ տեղափոխվել է Գյումրի բժշկական կենտրոն: Նրա վիճակը գնահատվում է բավարար:
Ավելի վաղ հայտնել ենք, որ վթարի հետևանքով, նախնական տվյալներով, կա 13 տուժած: Վերջիններս հոսպիտալացվել են «Արմենիա» հանրապետական և Աշտարակի բժշկական կենտրոններ և գտնվում են բժիշկների հսկողության տակ: Նրանցից երեքի վիճակը գնահատվել է ծայրահեղ ծանր։
Հիշեցնենք, որ այսօր ժամը 07:04-ին Կաքավաձոր գյուղի խաչմերուկում տեղի էր ունեցել ՃՏՊ․ Երևան-Գյումրի ավտոճանապարհի 50-րդ կմ-ին «GAZel» մակնիշի մարդատար ավտոմեքենան դուրս է եկել ճանապարհի երթևեկելի գոտուց և կողաշրջվել: ՃՏՊ-ի հետևանքով 5 մարդ մահացել է ավելի քան 10 մարդ ստացել է մարմնական վնասվածքներ։