Մահացել է բրազիլացի լեգենդար ֆուտբոլիստ Էդսոն Արանտիս դու Նասիմենտուն՝ Պելեն։ Նա 82 տարեկան էր։ Այս մասին հայտնում է Associated Press-ը։
Պելեն պատմության մեջ միակ ֆուտբոլիստն է, որը երեք անգամ դարձել է աշխարհի չեմպիոն որպես խաղացող (1958, 1962, 1970)
Պելեն Բրազիլիայի հավաքականի պատմության լավագույն ռմբարկուն է՝ 92 խաղում խփել է 77 գոլ։
Լեգենդար ֆուտբոլիստը 18 տարի ներկայացրել է բրազիլական «Սանթոսը», որից հետո ևս 3 տարի հանդես է եկել ամերիկյան «Նյու Յորք Կոսմոսում»՝ ավարտելով կարիերան 1977 թվականին։
2021 թվականի սեպտեմբերին Պելեի մոտ հաստ աղիքի ուռուցք էր հայտնաբերվել։ Նոյեմբերին նա հոսպիտալացվել էր։