«Ինտեր»-ի մամուլի ծառայությունն իր էջում տեսանյութ է հրապարակել թիմի հայ կիսապաշտպան Հենրիխ Մխիթարյանի մասնակցությամբ: Հայազգի ֆուտբոլիստը պատմում է Հայաստանիև իր ֆուտբոլային կարիերայի մասին:
Մխիթարյանը թղթի վրա արագությամբ նկարում է Հայաստանի և Արցախի քարտեզը, նշում մայրաքաղաք Երևանը, պատմում,թե որքան հրաշալի քաղաք է այն ու հայտնում, որ կարիերայի ավարտից հետո կցանկանա վերադառնալ Երևան։
Մխիթարյանը պատմել է, որ ծնվել է Ֆրանսիայում, որտեղ այդ ժամանակ հանդես էր գալիս իր հայրը՝ ֆուտբոլիստ և իր ոգեշնչման աղբյուր Համլետ Մխիթարյանը, այնուհետ հավելել է, որ հայրն իր ամենասիրելի հայ ֆուտբոլիտն է։
«Ինտեր»-ի հայ կիսապաշտպանը նաև պատմել է,որ Երևանի մարզադաշտը լի է երկրպագուներով Հայաստանի ֆուտբոլի հավաքականի հանդիպումների ժամանակ, իսկ իր համար պատիվ է եղել ներկայացնել ՀՀ ազգային ընտրանին։
Հայաստանի տեսարժան վայրերի մասին խոսելով, Հենրիխը խորհուրդ է տվել այցելել Սևանա լիճ և Խոր Վիրապ։ Նա նաև ասել է, որ աշխարհում ամենաճանաչված հայն իր կարծիքով Շառլ Ազնավուրն է։