ԱՄՆ պետդեպ խոսնակ Մեթյու Միլլերը մեկնաբանել է Մոսկվայում անցկացված Հայաստան-Ադրբեջան բանակցություններն ու արդյունքները։ Միլլերը, մասնավորապես, հայտարարել է. «Մենք ներկա չենք եղել, բայց սա մեզ համար շարունակում է մնալ առաջնահերթություն:
Ինչպես գիտեք, նախարարը մի քանի շաբաթ առաջ ողջունեց երկու կողմերին այստեղ՝ Վաշինգտոնում։ Մենք հասկանում ենք, որ դրանից հետո բանակցությունները շարունակվել են Բրյուսելում, և մենք աջակցում ենք, որ բանակցությունները շարունակվեն։ Ինչպես արդեն ասացինք, մենք հավատում ենք, որ համաձայնությունը ընթացքի մեջ է, և մենք շարունակում ենք ջանքեր գործադրել, որ երկու կողմերը միասին աշխատեն՝ հասնելու համաձայնության այն հարցերի շուրջ, որոնք մնում են առկախված»:
