ԿԳՄՍ նախարար Ժաննա Անդրեասյանը լրագրողների հետ ճեպազրույցում անդրադարձել է ԱԺ նախագահ Ալեն Սիմոնյանի և ՀՅԴ-ական քաղաքացու միջև օրերս Կասկադում տեղի ունեցած միջադեպին։
Նախարարի խոսքով, նման միջադեպերը պատիվ չեն բերում որևէ երկրի, և պետք է անել հնարավորը, որ այդպիսի դեպքեր առաջիկայում չկրկնվեն։
«Ես այստեղ տեսնում եմ կրթական համակարգի մեծ դերը։ Նման միջադեպերը բազմաթիվ խնդիրներ են ի հայտ բերում, որոնք կան մեր երկրում հանրային համերաշխության և մեր վերաբերմունքի հարցով։ Կարծում եմ` այստեղ մեծ անելիք ունենք, և առաջին հերթին դա ընկալում եմ իբրև անելիք։ Կարծում եմ` պետական պաշտոնն ու դիրքը որոշակի հանրային վարքագիծ են ենթադրում»,- նշեց Ժաննա Անդրեասյանը։
