Ռուսաստանի նախագահ Վլադիմիր Պուտինը հուլիսի 19-ին կմեկնի Թեհրան, որտեղ կմասնակցի Իրանի նախագահ Իբրահիմ Ռաիսիի և Թուրքիայի նախագահ Ռեջեբ Թայիփ Էրդողանի հետ եռակողմ գագաթնաժողովին, ինչպես նաև երկկողմ հանդիպումներ կունենա։ Այս մասին հայտնել է Պուտինի խոսնակ Դմիտրի Պեսկովը։
«Այո, մենք կարող ենք դա հաստատել, իսկապես, պատրաստվում է նախագահի այցը Թեհրան: Այնտեղ տեղի կունենա Աստանայի գործընթացի երաշխավոր երկրների ղեկավարների հանդիպումը: Ինչպես գիտեք, սա սիրիական կարգավորմանը նպաստելու գործընթաց է», – ասել է նա լրագրողներին։
