РИА Новости-ն տեղեկացնում է, որ ՌԴ ԱԳՆ-ն մտահոգոություն է հայտնել ադրբեջանա-հայկական սահմանին տեղի ունեցած վերջին զինված միջադեպերի կապակցությամբ։
«Մենք լրջորեն անհանգստացած ենք ադրբեջանա-հայկական սահմանի որոշ հատվածներում վերջին զինված միջադեպերով, որոնք մարդկային զոհերի պատճառ են դարձել: Մենք ցավակցում ենք զոհվածների ընտանիքներին, վիրավորներին ապաքինում մաղթում»,- ասել է ՌԴ ԱԳՆ տեղեկատվության և մամուլի վարչության տնօրենի տեղակալ Ալեքսանդր Բիկանտովը:
ՌԴ ԱԳՆ-ն նաև կոչ է արել կողմերին՝ ձեռնպահ մնալ իրավիճակի հետագա դեգրադացիայով հղի ցանկացած գործողությունից, ինչպես նաև առաջացող բոլոր խնդիրները լուծել քաղաքական-դիվանագիտական ճանապարհով:
Բիկանտովը նաեւ նշել է, որ Ռուսաստանը պատրաստ է շարունակել տրամադրել անհրաժեշտ օգնությունը ադրբեջանա-հայկական սահմանի իրադրությունը կարգավորելու համար, ապաէսկալացիայի, սահմանի սահմանազատման համատեղ աշխատանքների շուտափույթ մեկնարկի միջոցով։