«Մանչեսթեր Յունայթեդի» և Պորտուգալիայի հավաքականի հարձակվող Կրիշտիանու Ռոնալդուն կարող է կարիերան շարունակել Ավստրալիայի ֆուտբոլային լիգայում։
«Մենք մեր ցանկությունն ենք հայտնել Ռոնալդուին Ավստրալիա հրավիրելու հարցում։ Ակնհայտ է, որ սա որոշակի ռիսկ է, բայց մենք, անշուշտ, ունենք առաջարկ, որը նա պետք է քննարկի»,- ինչպես փոխանցում է «Արմսպորտը»՝ Ավստրալիայի ֆուտբոլային լիգայի գործադիր տնօրեն Դենի Թաունսենդի խոսքն է մեջբերել Yahoo Sports-ը:
Ըստ աղբյուրի՝ Պորտուգալիայի հավաքականում Ռոնալդուի նախկին թիմակից Նանին հանդես է գալիս Ավստրալիայի առաջնությունը ներկայացնող «Մելբուրն Սիթիի» կազմում:
