Ուկրաինայում ռազմական գործողություները չեն դադարում արդեն 21-րդ օրը: Ռուսական եւ Ուկրաինական կողմերը շարունակում են միմյանց մեղադրել տարբեր բնակավայրերի գնդակոծման համար:
Մարտի 16-ին շարունակվել են շրջափակման մեջ գտնվող Մարիուպոլի ռմբակոծությունները։ Ռուսական զինուժի ռմբակոծություններն ավերել են քաղաքի դրամատիկական թատրոնը, որտեղ ապաստան են գտել խաղաղ բնակիչները, Նեպտուն լողավազանը և քաղաքի այլ շինություններ։
Իսկ Ուկրաինայի զինված ուժերը վերջին մեկ օրվա ընթացքում 6 անգամ գնդակոծել են Լուգանսկի Ժողովրդական Հանրապետության բնակավայրերը։ Այս մասին հինգշաբթի օրը հայտնել է հրադադարի ռեժիմի վերահսկման և համակարգման միացյալ կենտրոնը։
Ռուսատսանի նախագահի խոսնակ Դմիտրի Պեսկովը մեկնաբանել է ԱՄՆ նախագահ Ջո Բայդենի խոսքերը: Բայդենը Պուտինին ռազմական հանցագործ էր անվանել:
«Մենք անդընդունելի եւ աննաերելի ենք համարում պետության ղեկավարի հռետորաբանությունը, որի ռումբերը հարյուր հազարավոր մարդկանց կյանք են խլել ամբողջ աշխարհում, նշել է Կրեմլի խոսնակը:
Մեծ Բրիտանիան, ԱՄՆ-ը, Ֆրանսիան, Ալբանիան, Իռլանդիան և Նորվեգիան դիմել են Ուկրաինայում տիրող իրավիճակի հարցով ՄԱԿ-ի Անվտանգության խորհրդի նիստ անցկացնելու համար: Այս մասին ասվում է Twitter-ում համաշխարհային կազմակերպությունում Մեծ Բրիտանիայի մշտական ներկայացուցչության՝ չորեքշաբթի օրը հրապարակված հաղորդագրությունում։
Մեծ Յոթնյակի երկրների արտաքին գործերի նախարարները հինգշաբթի օրը կանոնավոր առցանց բանակցություններ կանցկացնեն Ուկրաինայի շուրջ ստեղծված իրավիճակի հարցով: Այս մասին հայտարարել է Ճապոնիայի ԱԳՆ-ն։