Եվրախորհրդի նախագահ Շառլ Միշելը թվիթերյան իր միկրոբլոգում անդրադարձել է հայ-ադրբեջանական խաղաղության բանակցություններին և Քիշնևում սպասվող հանդիպմանը։
Միշելը, մասնավորապես, գրել է.
«Սպասում ենք նախագահ Ալիևի և վարչապետ Փաշինյանի հետ Հայաստանի ու Ադրբեջանի հարաբերությունների կարգավորման շուրջ քննարկումների շարունակությանը Քիշնևում։ Այն կարևոր է միմյանց ինքնիշխանության և տարածքային ամբողջականության նկատմամբ հարգանքը վերահաստատելու և սահմանների զատման ուղղությամբ առաջընթացի, ինչպես նաև սահմանամերձ տարածքներում ռիսկերը նվազեցնելու առումով»: