Ովքեր հետամուտ են արդարադատության հարցերին, ակնկալում ենք ակտիվ ներկայությունն ու մասնակցությունը այդ և հաջորդող դատական նիստերում։ Այս մասին Ֆեյսբուքում գրառում է արել ՄԱՀՀԻ հիմնադիր Ստյոպա Սաֆարյանը։
«Հարգելի լրատվամիջոցներ,
Վաղը՝ նոյեմբերի 17-ին, ժամը 16։00-ին Երևան քաղաքի ընդհանուր իրավասության դատարանի Էրեբունի նստավայրում (Խորենացու 162 Ա հասցե, Ոստիկանության բաժանմունքի հարևանությամբ) 5-րդ դահլիճում տեղի կունենա դատական նիստ ըստ Մարինա Խաչատրյանն ըննդեմ Ստյոպա Սաֆարյանի քաղաքացիական հայցի։
Գործով դատավորն է Ավագ Արտուշի Գաբրիելյանը, որը նախնական դատական նիստերից մինչև վերին նիստը թույլ է տվել պատասխանող կողմի վիճակը վատթարացնող ու քաղաքացիական դատավարության օրենսգրքի տեսանկյունից մեղմ ասած վիճելի որոշումների կայացում, այդ թվում՝ տեսանկարահանումների արգելքը առանց հիմնավորումների, ապացույցների բեռի բաշխման որոշման ընդունում կոպտագույն խախտումներով և այլն։
Որքան էլ տեսանկարահանումների արգելք է սահմանված, որևէ արգելք չկա այդ աղաղակող իրավախախտումների մասին հանրությանը իրազեկելու համար, հետևաբար բոլոր այն լրատվամիջոցները, ովքեր ակնկալում են իրավահավասար, փոխադարձող գործընկերային հարաբերություններ ՄԱՀՀԻ հիմնադիր Ստյոպա Սաֆարյանից, ովքեր հետամուտ են արդարադատության հարցերին, ակնկալում ենք ակտիվ ներկայությունն ու մասնակցությունը այդ և հաջորդող դատական նիստերում»,- գրել է Ստյոպա Սաֆարյանը