Այսօր՝ մայիսի 26-ին, Վրաստանը նշում է իր գլխավոր պետական տոնը՝ Անկախության օրը՝ «Սիրով ազատության հանդեպ» կարգախոսի ներքո։ Թբիլիսիի կենտրոնը զարդարված է կարմիրով և սպիտակով՝ Վրաստանի ազգային դրոշի գույներով։
Երկրում հանգստյան օր է։ Լայնածավալ տոնական միջոցառումներ են անցկացվում Վրաստանի բոլոր տարածաշրջաններում, սակայն հիմնականները նախատեսված են մայրաքաղաքում։
Ուղիղ 105 տարի առաջ՝ 1918 թվականի մայիսի 26-ին, Վրաստանի դեմոկրատական կառավարությունը հռչակեց երկրի անկախությունը Ռուսական կայսրությունից։
Առաջին դեմոկրատական հանրապետությունը երկար չգոյատևեց՝ ընդամենը երկուսուկես տարի, որից հետո այն խորհրդայնացվեց։ 1991 թվականին Վրաստանը կրկին անկախացավ՝ 1918 թվականի մայիսի 26-ի Անկախության հռչակագրի հիման վրա։
