2018թ. շռնդալից հաջողությամբ իշխանության հասած քաղաքական ուժը չկարողացավ ջարդել օլիգարխիայի ողնաշարը և ամբողջությամբ վերացնել այն: Այս մասին «ֆեյսբուքում» գրել է «Արդար Հայաստան» կուսակցության ղեկավար Նորիկ Նորիկյանը։
«Խորքային առումով թեկուզ մեկ ոլորտում չիրականացվեց համակարգային որևէ փոփոխություն, որի արդյունքները տեսանելի կլինեին հասարակության և պիտանի՝ պետության համար:
Ակնհայտ է, որ ոչ միայն չփոխվեց պետության որակը, այլև պետական կառավարման համակարգի արդյունավետության ցածր մակարդակն առանձին ոլորտներում ներկայումս աչք է շլացնում:
Ըստ էության, մենք դոփում ենք նույն տեղում, և ցանկացած համակարգային փոփոխություն պետք է սկսել 2018 թվականից:
Մենք երկուսուկես տարի կորցրեցինք, ինչը քիչ ժամանակ չէր որակապես այլ հանրային միջավայր ստեղծելու համար:
Նիկոլ Փաշինյանի իշխանությունը հանդուրժեց այդ համակարգի գոյությունը, իսկ այսօր նրանք սպառնում են ջարդել նրա գլուխը:
Ոնց հասկանում եմ՝ իրենք միմյանց լավ են ճանաչում, ուրեմն թող իրենք էլ լուծեն իրար միջև եղած կռիվը, իսկ Հայաստանին առաջ շարժվել է պետք:
Մենք պետք է որակապես նոր պետություն ստեղծենք, ստեղծենք արդար հասարակություն ու իրապես արդար Հայաստան:
Ստեղծելո՛ւ ենք»,- գրել է Նորիկ Նորիկյանը: