Հայկական դրամն այս պահի դրությամբ որոշակիորեն արժևորվել է: Այս մասին այսօր կայացած ասուլիսի ժամանակ հայտնել է ՀՀ կենտրոնական բանկի նախագահ Մարտին Գալստյանը:
«Հայկական դրամի որոշակի արժեզրկում տեղի ունեցավ, ու ոչ միայն հայկական դրամի: Աշխարհաքաղաքական զարգացումներից ելնելով՝ օրինակ ռուսական ռուբլիի և այլ արժույթների տատանողականություն ևս նկատեցինք շուկաներում: Այս պահի դրությամբ, եթե ես չեմ սխալվում, հայկական դրամի որոշակի արժևորում կա»,-ասաց Գալստյանը:
