Ֆրանսիան ողջունում է Ադրբեջանի կողմից 15 հայ գերիների ազատումը ականապատ դաշտերի քարտեզներ տրամադրելու դիմաց: Այս մասին ասվում է Ֆրանսիայի արտաքին գործերի նախարարության երկուշաբթի օրը տարածած հայտարարության մեջ, փոխանցում է ՏԱՍՍ-ը։
«Ֆրանսիան ողջունում է Ադրբեջանի կողմից պահվող 15 Հայաստանի քաղաքացիների ազատ արձակումը, ինչպես նաև Հայաստանի կողմից Ֆիզուլիի և Զանգելանի շրջանների ականապատման քարտեզների փոխանցումը»,- ասված է հաղորդագրության մեջ։
Ֆրանսիան, որը ԵԱՀԿ Մինսկի խմբի համանախագահ է, համարում է, որ այս փոխանակումը, ինչպես նախորդը, որը տեղի ունեցավ հունիսի 11-ին, կարևոր քայլ էր կողմերի միջև լարվածության թուլացման և վստահության վերականգնման ուղղությամբ:
«Ֆրանսիան կոչ է անում կողմերին կատարել 2020 թ. Նոյեմբերի 9-ին ստանձնած պարտավորությունները , ներառյալ վերականգնել երկխոսությունը և ազատել բոլոր հայ գերիներն», – ասված է Ֆրանսիայի ԱԳՆ հաղորդագրության մեջ:
Հիշեցնենք, որ հուլիսի 3-ին Հայաստան են վերադարձել Ադրբեջանի կողմից գերեվարված 15 հայ գերիներ, հայկական կողմը Ադրբեջանին է փոխանցել Ֆիզուլիի ու Զանգելանի շրջանների ականապատ դաշտերի քարտեզներ: