Այս պահին ՀՀ նախագահի թեկնածուի հարցի քննարկումը ժամանակավրեպ ենք համարում: Այս մասին ԱԺ ճեպազրույցների ժամանակ հայտարարեց է «Քաղաքացիական պայմանագիր» խմբակցության պատգամավոր Գեւորգ Պապոյանը:
«Այս պահին ընթացող իրավակարգավորումներով դեռեիս 5-6 օր ժամանակ կա: Այսինքն Հայաստանն այս պահին ունի փաստացի նախագահ եւ այդպիսի իրավիճակում ժամանակավրեպ ենք համարում քննարկել նման հարց: Օրենքը՝ նախագահի հրաժարականի դիմումը գոնե տեսականորեն հետ վերցնելու հնարավարություն է տալիս, հետեւաբար հարցը քանի որ ժամանակավրեպ է կանդրադառնանք այն պահին երբ որ այդ պաշտոնը թափուր կլինի: Իսկ այդ պաշտոնն այս պահին թափուր չէ»,-ասաց պապոյանը: