Նոյեմբերի 11֊ին Հայաստանի գրողների միությունում, տեղի ունեցավ միջոցառում նվիրված հայ բանաստեղծ, հրապարակախոս, թարգմանիչ,դրամատուրգ Վահագն Դավթյանի ծննդյան 100֊ամյակին։
Վահագն Դավթյանըծնվել է 15.8.1922 թ. Արաբկիրում (Արևմտյան Հայաստան)։ 1932 թվականից ապրել է Երևանում՝ Արաբկիր թաղամասում։
Միջոցառումը սկսվեց նախ փոքրիկ տեսահոլովակով, որով ներկայացվեց գրողի կյանքը և հարցազրույցները։ Բանաստեղծի, նրա ստեղծագործությունների և անցած ստեղծագործական ճանապարհի մասին, իրենց խոսքն արտահայտեցին բանաստեղծ Էդվարդ Միլիտոնյանը, Գրողների միության վարչության քարտուղար, գրականագետ Պետրոս Մելիքյանը և այլք։ Գրողի մասին նաև ասմունքով և կյանքի որոշակի դրվագներով հանդես եկավ Հայաստանի վաստակավոր արտիստ Սիլվա Յուզբաշյանը։ Նա պատմեց, թե ինչպես է Վահագնի պապը սպանվել, թե ինչպես են փրկվել նրա հայրն ու հորեղբայրը՝ 1915թ.֊ի ցեղասպանությունից և թե ինչպես են ամուսնացել հայրն ու մայրը։
Գրողին իրենց երգերն ու բանաստեղծությունները նվիրեցին մի քանի հյուրեր։
Հեղինակ՝ Հայրիյան Անուշ
ՀՊՄՀ, ԼՐԱԳՐՈՒԹՅՈՒՆ 2֊րդ կուրս