Օդանավ արտադրող աշխարհի առաջատար Airbus-ը առաջին անգամ եվրոպացի գնորդին վաճառել է չինական արտադրության օդանավ: Այս մասին հայտնել է «Սինհուա» լրատվական գործակալությունը։
Վաճառված A321neo օդանավը հավաքվել է Չինաստանի Տյանցզին քաղաքի գործարանում: Գնորդը հունգարական Wizz Air ընկերությունն է, որը Կենտրոնական և Արևելյան Եվրոպայի խոշորագույն ցածրարժեք փոխադրողներից է:
A321neo-ն Airbus A320 ընտանիքի ամենամեծ օդանավն է: Այն կարող է տեղավորել 244 ուղևոր։ Airbus-ի Տյանցզինի գործարանը գործարկվել է 2008 թվականին և համարվում է ընկերության առաջին ամբողջական հոսքագիծը Եվրոպայից դուրս: 14 տարվա ընթացքում այս գործարանից դուրս են եկել A320 սերիայի ավելի քան 600 օդանավ։