«Մենք շարունակում ենք խորապես մտահոգված լինել Լաչինի միջանցքի փակմամբ,, հատկապես առևտրային, մարդասիրական և մասնավոր տեղաշարժի համար»,– հայտարարել է ԱՄՆ Պետքարտուղարության փոխխոսնակ Վեդանտ Պատելը։
Նրա խոսքով, նման մարդասիրական փոխադրումների դադարեցումը վատթարացնում է հումանիտար իրավիճակը և խաթարում ջանքերը, որոնք ձեռնարկվել են խաղաղ գործընթացի նկատմամբ վստահության ամրապնդման համար: «Սա վատթարացնում է հումանիտար իրավիճակը և խափանում խաղաղության գործընթացում վստահության ձևավորման ջանքերը։ Հորդորում ենք Ադրբեջանի կառավարությանը վերականգնել միջանցքի անարգել անցումը։ Տեղյակ ենք նաև, որ այսօր ՄԱԿ ԱԽ-ն հավաքվելու է քննարկելու Լեռնային Ղարաբաղի հարցը, և ակնկալում ենք հավելյալ քննարկում այնտեղ նույնպես»:
Խոսելով ՄԱԿ ԱԽ–ում ԼՂ հարցով քննարկման վերաբերյալ ԱՄՆ դիրքորոշման մասին, Պատելն ասել է․ «Ես չեմ պատրաստվում առաջ անցնել հանդիպումից։ Սակայն մենք հետևողականորեն ընդգծել և կրկնել ենք այն փաստը, որ ուղիղ երկխոսությունն անհրաժեշտ է այս վաղեմի հակամարտության կարգավորման համար, և մենք կարծում ենք, որ ցանկացած գործողություն, որն ի վերջո խաղաղություն և կայունություն կբերի Հարավային Կովկասի ժողովուրդներին, բարի և դրական քայլ կլինի դեպի առաջ»: