ԵԱՏՄ շրջանակում նույնականացման միջոցներով այլապրանքների դրոշմավորման ազգային օպերատորը պատրաստ է իրականացնել դրոշմավորում․ՊԵԿ

ՀՀ պետական եկամուտների կոմիտեն հայտնում է, որ Եվրասիական տնտեսական միության շրջանակներում նույնականացման միջոցներով ապրանքների դրոշմավորման ազգային օպերատոր ճանաչված «Հեռանկարային տեխնոլոգիաների զարգացման կենտրոն-Արմենիա» սահմանափակ պատասխանատվությամբ ընկերությունը ներդրել է համապատասխան համակարգեր և պատրաստ է իրականացնել դրոշմավորումը հետևյալ ապրանքախմբերի մասով․

1․Թեթև արդյունաբերության ապրանքներ (ԵՏՀ Խորհրդի «Նույնականացման միջոցներով թեթև արդյունաբերության ապրանքների դրոշմավորում սահմանելու մասին» 2019 թվականի նոյեմբերի 18-ի թիվ 127 որոշում),

2․ օծանելիք և հարդաջուր (ԵՏՀ Խորհրդի «Նույնացման միջոցներով օծանելիքի և հարդաջրի դրոշմավորում սահմանելու մասին» 2019թվականի նոյեմբերի 18-ի թիվ 128 որոշում),

3․ անվադողեր (ԵՏՀ Խորհրդի «Ռետինե անվադողերի անվադողերի դրոշմավորում սահմանելու մասին» 2019թվականի նոյեմբերի 18-ի թիվ 129 որոշում),

4․ ֆոտոխցիկներ, լուսարձակող լամպեր (ԵՏՀ Խորհրդի «Նույնականացման միջոցներով ֆոտոխցիկների, լուսարձակող լամպերի, դրոշմավորում սահմանելու մասին (բացի կինոխցիկներից») 2019թվականի նոյեմբերի 18-ի թիվ 130 որոշում)։