Երևանում մեկնարկել է հայ-հնդակական միջկառավարական հանձնաժողովի 8-րդ նիստը: Այդ նպատակով է Հայաստան է ժամանել Հնդկաստանի ԱԳՆ Արևմտյան ուղղության քարտուղար Սանջայ Վերմանը:
Հնդկաստանի հետ հարաբերությունների հանակողմանի խորացումը և զարգացումը Հայաստանի արատքին քաղաքականության գերակայություններից է: Հայ-հնդկական միջկառավարական հանձնաժողովի 8-րդ նիստի ընթացքում հայտարարեց արըտաքին գործերի նախարար Արարատ Միրզոյանը:
«Հնդկաստանն իր կենսունակ ժողովրդավարությամբ և դինամիկ տնտեսությամբ նշանակալի ձեռքբերումներ է գրանցում բազմաթիվ ոլորտներում: Հայաստանը բարձր է գնահատում Հնդկաստանի կայունացնող գործունեությունը համաշխարհային ցնցնումների այս ժամանականերում: Վերջին տարիներին կտրուկ աճել են Հայաստանի և Հնդկաստանի ապրանքաշրջանառությունը: 2021 թվականին այն կազմել է 181 միլիոն ԱՄՆ դոլար: 2016 թվականի մոտ 21 միլիոն դոլարի համեմատ: Իհարկե այս թվերը դեռ չեն արտացոլում մեր երկկկողմ առևտրատնտեսական գործակցության ամբողջ ներուժը: Մենք ակնկալում ենք առևտրի ծավալների կտրուկ ավելացում»,- նշել է Արարատ Միրզոյանը:
Այսօր կայացել է նաև Հնդկաստանի ԱԳՆ Արևմտյան ուղղության քարտուղար Սանջայ Վերմանի և ՀՀ ԱԳ նախարար Արարատ Միրզոյանի առանձնազրույցը։
Կողմերը քննարկել են տարածաշրջանային տրանսպորտային հաղորդակցության ծրագրերի իրականացման, մասնավորապես՝ «Հյուսիս-հարավ» միջազգային տրանսպորտային միջանցքի նախագծի, Չաբահար նավահանգստի, ինչպես նաև «Պարսից ծոց-Սև ծով» միջազգային տրանսպորտային միջանցքի շրջանակներում համագործակցության հեռանկարները:
Մտքեր են փոխանակվել միջազգային կառույցների շրջանակներում համագործակցության էլ ավելի ամրապնդման հնարավորությունների շուրջ։
Անդրադարձ է կատարվել նաև տարածաշրջանային և միջազգային անվտանգության հարցերի: Արարատ Միրզոյանը ներկայացրել է իրավիճակը Լեռնային Ղարաբաղի հակամարտության գոտում, ինչպես նաև Հայաստանի դիրքորոշումը տարածաշրջանում կայունության և խաղաղության հաստատմանն ուղղված գործընթացների շուրջ:
ՀՀ ԱԳ նախարարը շեշտել է ԵԱՀԿ Մինսկի խմբի համանախագահության միջնորդական դերը Լեռնային Ղարաբաղի հակամարտության համապարփակ և տևական լուծման հասնելու գործում և գոհունակություն հայտնել հնդկական կողմի դիրքորոշման կապակցությամբ՝ ի աջակցություն ԵԱՀԿ ՄԽ համանախագահության մանդատի ներքո խաղաղ կարգավորման գործընթացին:
Արարատ Միրզոյանը նաև վերահաստատել է Հայաստանի սատարումը Հնդկաստանին՝ Ջամմուի և Քաշմիրի հարցում: