Ֆրանսիայում ոստիկանության կողմից դեռահաս վարորդի սպանությունը ցույցերի և անկարգությունների առիթ է դարձել

Ֆրանսիայում ցույցեր և բախումներ են սկսվել այն բանից հետո, երբ ոստիկանները կրակել են 17-ամյա դեռահասի վրա, որը ստացած վնասվածքներից մահացել է: Այս մասին հաղորդում է «Արմենպրես»-ը՝ վկայակոչելով France 24 պարբերականի հրապարակումը:

Սոցիալական ցանցերում տարածված տեսանյութում երևում են ոստիկանության երկու սպաներ՝ Mercedes AMG մեքենայի կողքին, այնուհետև նրանցից մեկը կրակում է, երբ վարորդը փորձում է հեռանալ:

Միջադեպը տեղի է ունեցել Փարիզից ոչ հեռու գտնվող Նանտեր քաղաքում: Ըստ իրավապահների՝ տղան չի լսել ոստիկանների հրահանգը և չի կանգնեցրել մեքենան: Մեքենայում ևս երկու անձ է եղել: Դեռահասին կրակող ոստիկանի հանդեպ հետաքննություն է սկսվել մարդասպանության հոդվածով:

Միջադեպը մեծ զայրույթ է առաջացրել Ֆրանսիայում: Գիշերը մի շարք ցույցեր են սկսվել: Ըստ BBC-ի՝ Նանտերում ցուցարարներն այրել են մեքենաներ և աղբամաններ, ոստիկանության բաժնի մոտ ճայթրուկներ են պայթեցվել: Ոստիկանությունը ցուցարարներին ցրելու համար արցունքաբեր գազ է կիրառել:

Ըստ իշխանությունների՝ ակցիաների 24 մասնակից ձերբակալվել է:

Ցույցեր են տեղի ունեցել նաև Անիեր, Կոլոմբ, Սյուռեն, Օբերվիլյե և մի շարք այլ քաղաքներում:

Ըստ Reuters գործակալության՝ 2022 թ.-ին ճանապարհային ոստիկանության կողմից կանգնեցվելուց հետո Ֆրանսիայում 13 մարդ է սպանվել ոստիկանության կրակոցներից:

17-ամյա դեռահասի սպանությունն այս տարի երկրորդն է: Երկու շաբաթ առաջ ոստիկանությունը ֆրանսիական Անգուլեմ քաղաքում սպանել էր 19-ամյա վարորդի, որն, ըստ նրանց, կանգնեցվելուց հետո հարվածել էր ոստիկանի ոտքերին:

Total
0
Shares
Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով

Նախորդը

Մհեր Գրիգորյանը ԱՄՆ պետդեպի խորհրդականի հետ քննարկել է միջուկային էներգետիկայի ոլորտում համագործակցությունը

Հաջորդը

Վիրահատության է ենթարկվել Արցախի թեմի նախկին առաջնորդ Պարգև արքեպիսկոպոս Մարտիրոսյանը

Առնչվող նյութեր
Դիտել

Ռոբերտ Քոչարյանն ու Սերժ Սարգսյանը Լավրովին բան չունե՞ն ասելու․Նորիկ Նորիկյան

Ռոբերտ Քոչարյանն ու Սերժ Սարգսյանը ՌԴ արտաքին գործերի նախարար Սերգեյ Լավրովին բան չունե՞ն ասելու։ «20 տարի խաբեցիք հայ…
Դիտել

Գերմանիայում AstraZeneca-ով պատվաստվելու են միայն 60 տարեկանից բարձր անձինք

Գերմանիայի իշխանությունները թույլատրել են կորոնավիրուսի դեմ AstraZeneca դեղամիջոցով պատվաստել միայն 60 տարեկանից բարձր քաղաքացիներին, հայտարարել է կանցլեր Անգելա…
Դիտել

Հայաստանը կհյուրընկալի ԵԱՀԿ ԽՎ 57 անդամ պետությունների շուրջ 300 պատգամավորների

Նոյեմբերի 18-20-ը Հայաստանի Հանրապետության Ազգային ժողովը կհյուրընկալի Եվրոպայի անվտանգության եւ համագործակցության կազմակերպության խորհրդարանական վեհաժողովի աշնանային նստաշրջանը՝ «ԵԱՀԿ-ն ճգնաժամի…
Դիտել

Ժամը 07:00-ի դրությամբ իրադրությունը շփման գծում հարաբերականորեն կայուն է. ԱՀ ՊՆ

Ժամը 07:00-ի դրությամբ իրադրությունը շփման գծում հարաբերականորեն կայուն է: Ադրբեջանական հերթական սադրանքի հետևանքով զոհված զինծառայողների վերաբերյալ Արցախի Հանրապետության…

Հետևեք մեզ Instagram-ում

Հավանեք մեր Facebook էջը

Բաժանորդագրվեք մեր Youtube ալիքին

Total
0
Share