Հայաստանի ազգային հավաքականի և ՄԼՍ-ը ներկայացնող ամերիկյան «Քոլամբուս Քրյուի» հարձակվող Լուկաս Սելարայանը կարիերան կշարունակի Սաուդյան Արաբիայի «Ալ Ֆատեհ» ակումբում: Այս մասին հայտնում է ակումբի պաշտոնական կայքը։
31-ամյա ֆուտբոլիստն ու արաբական ակումբը կնքել են երեք տարվա պայմանագիր, որը նախատեսված է մինչև 2026 թվականի հունիսի 30-ը, հաղորդում է ակումբի մամուլի ծառայությունը:
Լուկաս Սելարայանը 2020 թվականի հունվարին էր միացել ամերիկյան ակումբին, որի կազմում անցկացրած 107 խաղում խփել է 42 գոլ ու կատարել 23 գոլային փոխանցում: Կարիերայի ընթացքում նա ելույթ է ունեցել նաև մեքսիկական «Տիգրես Ունալում» (2016-2019թթ.) ու արգենտինական «Բելգրանոյում» (2012-2015թթ.): Transfermarkt-ը նրա տրանսֆերային արժեքը գնահատում է 7 միլիոն եվրո:
Լուկաս Սելարայանը Հայաստանի հավաքականում նորամուտը նշել է 2021 թվականի հոկտեմբերին: Նա ազգային թիմի կազմում մասնակցել է 9 հանդիպման ու դարձել 2 գոլի հեղինակ՝ դուբլ ձևակերպելով Ուելսի հավաքականի դեմ Եվրո-2024-ի ընտրական մրցաշարի երրորդ տուրի արտագնա խաղում (4-2):
