Փախստականների համաշխարհային օրվա առիթով Հայաստանի արտաքին գործերի նախարարությունը «Թվիթեր»-ի իր միկրոբլոգում միջազգային հանրությանը կոչ է արել չանտեսել Ադրբեջանի էթնիկ զտումների քաղաքականությունը և հրապարակել լուսանկարներ:
«Փախստականների համաշխարհային օրը մենք ևս մեկ անգամ միջազգային հանրության ուշադրությունն ենք հրավիրում Ադրբեջանի էթնիկ զտումների քաղաքականության վրա, որի հետևանքով հազարավոր հայեր բռնի տեղահանվեցին Սումգայիթից, Բաքվից, Կիրովաբադից, ինչպես նաև Ադրբեջանի վերահսկողության տակ գտնվող Լեռնային Ղարաբաղի տարածքներից»,- նշված է գրառման մեջ:
