Մայրապետյանին և կնոջը պատկանող Պուշկին 2 հասցեում գտնվող համայնքապատկան շենքն օրենքի խախտմամբ է օտարվել

Վարչական դատարանը 2023 թվականի հոկտեմբերի 13-ին վարույթ է ընդունել Դատախազության դիմումը, որով պահանջվում է անվավեր ճանաչել  Երևան քաղաքի Պուշկինի 2 հասցեում գտնվող շենքի օտարման գործընթացն սկսելու և այն «Լոկալ Դիվելոփըրզ» ՍՊ ընկերությանն օտարելու համար հիմք հանդիսացած՝ ՀՀ կառավարության երկու որոշումները:

Հիշեցնենք, որ Երևան քաղաքի Կենտրոն և Նորք Մարաշ վարչական շրջանների դատախազությունում, պետական (համայնքային) շահերի պաշտպանության հայց հարուցելու գործառույթի շրջանակում, ուսումնասիրվել էր Պուշկին 2 հասցեում գտնվող շենքի օտարման գործընթացը:

Ուսումնասիրությամբ պարզվել էր, որ 2012 թվականի դեկտեմբերի 27-ին Պուշկին 2 հասցեում գտնվող համայնքապատկան շենքն օրենքի խախտմամբ՝ առանց մրցույթի՝ ուղղակի վաճառքով, օտարվել է «Լոկալ Դիվելոփըրզ» ընկերությանը, որի 50 տոկոսի բաժնետերը գործարար Ս.Մ.-ն է, իսկ մյուս 50 տոկոսը պատկանում է նրա կնոջը՝ ԵՊԲՀ-ի նախկին ռեկտոր Գ.Ք.-ին:

Հանրային գերակա շահ ճանաչված լինելու հիմքով օտարված համայնքապատկան գույքն առ այսօր գտնվում է անփոփոխ վիճակում. խախտվել է օտարման գործընթացը (օտարման նպատակի իրագործումը պետք է սկսվեր գերակա հանրային շահ ճանաչելու մասին Կառավարության համապատասխան որոշումն ուժի մեջ մտնելուց հետո՝ յոթ տարվա ընթացքում):

Ուսումնասիրության ընթացքում ձեռք բերված փաստական տվյալների հիման վրա՝  Երևան քաղաքի Կենտրոն և Նորք Մարաշ վարչական շրջանների դատախազությունը 2023 թվականի մայիսի 24-ին հաղորդում էր ներկայացրել Հակակոռուպցիոն կոմիտե. մայիսի 25-ին նախաձեռնվել էր քրեական վարույթ՝ 18.04.2003 թվականին ընդունված Քրեական օրենսգրքի 308-րդ հոդվածի 2-րդ (պաշտոնեական լիազորությունները չարաշահելը, որն անզգուշությամբ առաջացրել է ծանր հետևանքներ) և 315-րդ հոդվածի 2-րդ մասերով (պաշտոնեական անփութություն, որն անզգուշությամբ առաջացրել է ծանր հետևանքներ): 

Total
0
Shares
Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով

Նախորդը

Արարատ Միրզոյանը հեռախոսազրույց է ունեցել Իրանի ԱԳ նախարար Հոսեյն Ամիր Աբդոլլահիանի հետ

Հաջորդը

Օդի ջերմաստիճանը կնվազի 5-7 աստիճանով

Առնչվող նյութեր
Դիտել

ՏԵՍԱՆՅՈՒԹ․ Ռուսաստանի հետ ոչ մի վեկտոր չենք փոխում, ոչինչ չենք չեղարկում․ Նիկոլ Փաշինյան

ՀՀ վարչապետ Նիկոլ Փաշինյանի հարցազրույցը Վարչապետ Նիկոլ Փաշինյանը հոկտեմբերի 10-ին հարցազրույց է տվել Պետրոս Ղազարյանին։ Ստորև ներկայացվում է…
Դիտել

ԿԲ-ն վերաֆինանսավորման տոկոսադրույքը նվազեցրել է 0.25 տոկոսային կետով

ՀՀ կենտրոնական բանկը վերաֆինանսավորման տոկոսադրույքը նվազեցրել է 0.25 տոկոսային կետով՝ սահմանելով 10.25%։  Օգոստոսի 1-ին տեղի է ունեցել ՀՀ…
Դիտել

Ստուգորմներ խոշոր խանութներում․ կազմվել են արձանագրություններ

Շաբաթվա սկզբին Սննդամթերքի անվտանգության տեսչական մարմնի տեսուչները Covid19-ի դեմ սահմանված միջոցառումների վերահսկմանն ուղղված ստուգայցեր են անցկացրել մայրաքաղաքի 33…
Դիտել

Արցախի ՄԻՊ-ի անդրադարձը Թաղավարդի գերեզմանատան հարցին

Թաղավարդ համայնքի բնակիչների կողմից անցած մեկ տարվա ընթացքում անընդհատ բարձրաձայնվել է համայնքի գերեզմանատան հասանելիության հարցը, որը 2020 թվականի…

Հետևեք մեզ Instagram-ում

Հավանեք մեր Facebook էջը

Բաժանորդագրվեք մեր Youtube ալիքին

Total
0
Share