«Ըստ էության, մեր բանակցությունները, մեծ հաշվով, միշտ էլ երկկողմ են եղել». հայտարարել է Հայաստանի ԱԳ նախարար Արարատ Միրզոյանը։
Նրա խոսքով՝ Հայաստանի ու Ադրբեջանի ներկայացուցիչները տարբեր մայրաքաղաքներում հանդիպել են, երրորդ երկրները, կազմակերպել են այդ հանդիպումները՝ դյուրացնելու գործընթացը, նաև՝ երբեմն կառուցողական առաջարկներով են փորձել հանդես գալ կամ կամրջել ձևակերպումները.
«Բայց, միևնույն է, բանակցությունները միշտ էլ եղել են երկկողմ, և մենք շահագրգռված ենք բանակցությունների շարունակմամբ։ Մենք նաև ոչ պաշտոնական շփումներ ենք ունեցել և ակնկալում ենք, որ առաջիկայում հնարավորություն կընձեռնվի՝ ունենալ ադրբեջանական կողմի համաձայնությունն ու շարունակել բանակցությունները»,- ասել է նա։