CAR SEAT` երեխաների պահող համակարգերը և ամրագոտիները ճանապարհատրանսպորտային պատահարների հետևանքով (ՃՏՊ) վնասվածքների կանխարգելման ամենաարդյունավետ միջոցն են: ՃՏՊ-ով պայմանավորված վնասվածքները հանրային առողջապահական լուրջ խնդիր են ինչպես այլ երկրներում, այնպես էլ` Հայաստանում: Այս մասին տեղեկացնում են ՀՀ Առողջապահության նախարարությունից։
ԱՀԿ տվյալներով` ՃՏՊ-ները
15-19 տարեկան երեխաների և դեռահասների մահվան առաջին գործոնն են:
5-14 տարեկան երեխաների շրջանում` երկրորդը:
ԱՀԿ ուսումնասիրություններով` CAR SEAT-ների ճիշտ օգտագործման դեպքում`
մինչև 1 տարեկան երեխաների մահացությունը կրճատվում է 70%-ով,
ավելի բարձր տարիքի երեխաների մահացությունը` 54% -80%-ով,
անվտանգության գոտի կապելու դեպքում 10 տարեկանից բարձր (150 սմ և ավել հասակ ունեցող) երեխաների վթարների մահացու ելքը` 40-70 %-ով:
ՀԻՇԵ՛Ք. ՃՏՊ վնասվածքները հնարավոր է կանխարգելել`
մինչև 7 տարեկան երեխաների համար պետք է օգտագործել car seat,
7 տարեկանից բարձր երեխաները պետք է օգտագործեն ամրագոտիներ:
