Նիկոլ Փաշինյանն ու Մհեր Գրիգորյանը, առհասարակ՝ կառավարությունը խախտել են «Պետական սահմանի մասին» ՀՀ օրենքը: Այս մասին գրել է Քաղաքական վերլուծաբան Սուրեն Սուրենյանցը
«Պետական սահմանը հաստատվում է Հայաստանի օրենքով և միջազգային պայմանագրով, ինչի ենթադրում է գործընթացին Հայաստանի խորհրդարանի մասնակցություն: Տավուշի հատվածի չորս գյուղերն Ադրբեջանին հանձնվում են այս լեգալ գործընթացի շրջանցմամբ՝ Ալիևի շանտաժով, Փաշինյանի կամայական որոշմամբ, դելիմիտացիա/ դեմարկացիա տերմինների գռեհիկ շահագործմամբ:
Դելիմիտացիան և դեմարկացիան հատվածային լինել չի կարող, նախ պետք է միասնական քարտեզի տրամաբանությամբ ամբողջ սահմանագիծը հստակեցվի, իմանանք ինչ ենք ստանում կամ զիջում, ինչին հետո կհաջորդի զորքերի տեղաշարժը(հետքաշումը կամ առաջխաղացումը)»,- գրել է Սուրեն Սուրենյանցը: