Ամերիկյան արտադրության հակաօդային պաշտպանության Patriot համակարգերը Ուկրաինային կփոխանցվեն մոտ ապագայում։ Այս մասին «Ֆեյսբուքի» իր էջում հայտարարել է Ուկրաինայի արտգործնախարար Դմիտրի Կուլեբան։
«Դրան ուղղված նախապատրաստական աշխատանքներն արդեն իսկ մեկնարկել են», – ասել է Կուլեբան։
Ուկրաինայի արտգործնախարարը Patriot համակարգերի փոխանցումը Ուկրաինային հեղափոխական որոշում է անվանել։
Կիևին Patriot համակարգեր տրամադրելու որոշման մասին Սպիտակ տունը հայտարարել էր անցած տարեվերջին՝ Ուկրաինային հատկացվող ռազմական օգնության 2 միլիարդ դոլար արժողությամբ փաթեթի շրջանակներում։