Երեւանի նորընտիր քաղաքապետ Տիգրան Ավինյանը երդվեց ձեռքը դրած սեպագիր արձանագրության եւ ՀՀ Սահմանադրության վրա:
Նշենք, որ հատուկ այս արարողության համար քաղաքապետարան էր բերվել մեր թվարկությունից առաջ 782 թվկանով թվագրված Էրեբունի-Երեւանի հիմնադրման սեպագիր արձանագրությունը:
«Ստանձնելով Հայաստանի Հանրապետության մայրաքաղաք Երեւանի քաղաքապետի պաշտոնը, երդվում եմ՝
Երեւանի պաշտոնի լիազորություններն իրականացնելու ընթացքում պահպանել ՀՀ Սահմանադրությունը, օրենքները, Երեւանի ավագանու որոշումները, ազնվորեն եւ բարեխղճորեն կատարել Երեւանի քաղաքապետի լիազորությունները, ծառայել Երեւանի բարգավաճմանը, գործել ի բարօրություն նրա բնակիչների:
Պարտավորվում եմ հոգ տանել մեր հնգույն մայրաքաղաքի հարգի պահպանման եւ բազմապատկման համար: Պաշտպանել համայնքի իրավունքները, օրինական շհերը եւ սեփականությունը, ուժերիս անմնացորդ նվիրումով սատարել ժողովրդի հավատին, նպստել նրա նյութական եւ հոգեւոր վերելքին:
Աջակից լինել ամեն մի ազնիվ նախաձեռնության, որ միտված կլինի իմ համաքաղաքացիների նվիրական գաղափարների իրականացմանը», հայտարարեց Ավինյանը:
Տիգրան Ավինյանը ստորագրեց իր երդման արարողության տակ, որն ի պահ կհանձնվի Երեւանի պատմության թանգարանին:
Երեւանի խորհրդանիշ հանդիսացող լանջաշղթան նորընտիր քաղաքապետին հանձնեց քաղաքապետի խորհրդական Կամո Արեյանը: Այնուհետեւ հնչեց Երեւանի օրհներգը:
Հիշեցնենք, որ հոկտեմբերի 10-ին ավագանու անդրանիկ նիստում քաղաքապետի թեկնածու առաջադրվեց միայն Տիգրան Ավինյանը և ընտրվեց 32 կողմ, 5 դեմ ձայներով:
