Բրյուսելում կայացած հանդիպման ընթացքում ձեռք բերված պայմանավորվածություններից մեկն այն էր, որ ստեղծվելու է սահմանի սահմանազատման հանձնաժողով, որի առաջին հանդիպումը նախատեսված էր ապրիլի վերջին։
Այդ մասին երեքշաբթի լրագրողներին հայտնել է Ադրբեջանի արտգործնախարար Ջեյհուն Բայրամովը, հաղորդում է Trend-ը։
Ադրբեջանի արտաքին գերատեսչության ղեկավարը նշել է, որ մինչ բրյուսելյան հանդիպումը երկու հեռախոսազրույց է ունեցել Հայաստանի արտգործնախարարի հետ, որոնց ընթացքում առաջարկություններ են արվել հանձնաժողովի կազմի վերաբերյալ։
«Ադրբեջանի առաջարկն այն էր, որ հանձնաժողովը կազմվի այլ ձևաչափով, այսինքն՝ այն անձը, ով այն կգլխավորի մեր կողմից, լինի փոխվարչապետի մակարդակով: Պետք է նշել նաև, որ Հայաստանի արտաքին գործերի նախարարը մեր առաջին հեռախոսազրույցի ժամանակ ըմբռնումով ընդունեց դա եւ հայտարարեց, որ ավելի շատ ժամանակ է անհրաժեշտ ներքին քննարկումների համար։ Ավելի ուշ նա հայտարարեց, որ նման առաջարկն ընդունելի կլինի նաեւ իրենց համար։ Կողմերի միջև կա պայմանավորվածություն հանձնաժողովի կազմի վերաբերյալ։ Ադրբեջանն արդեն պատրաստ էր այս հանդիպումն անցկացնել ապրիլին, կարծում եմ, որ հայկական կողմի ընթացակարգերն ավարտելուց հետո հնարավոր կլինի նման հանդիպում անցկացնել»,- ասել է Բայրամովը։»,- ասել է Բայրամովը։