Ռուսաստանի խաղաղապահների ինժեներա-սակրավորական խմբերն այս օրերին ակտիվորեն որոնում են պայթյունավտանգ առարկաներ Մարտակերտ քաղաքի մատույցներում: Այս պահին տեղի բնակիչները չեն կարող վերսկսել գյուղատնտեսական աշխատանքները, քանի դեռ չի իրականացվել տարածքի ամբողջական մաքրում:
Վերջին մի քանի օրերում Մարտակերտի շրջանի տարածքում ռուս սակրավորները հայտնաբերել և վնասազերծել են ավելի քան 50 խոշոր տրամաչափի արկ և պայթյունավտանգ առարկա:
2020 թվականի նոյեմբերի 23-ից ի վեր, Ռուսաստանի խաղաղապահ զորախմբի մարդասիրական ականազերծման ստորաբաժանման զինծառայողները չպայթած զինամթերքից մաքրել են 1960 հա տարածք, 605 կմ ավտոճանապարհ, այդ թվում սոցիալական նշանակության 30 օբյեկտ, հայտնաբերվել և վնասազերծվել է 25 484 պայթյունավտանգ առարկա:
