Ակնկալում ենք, որ Մարդու իրավունքների պաշտպանի ինստիտուտի արդյունավետությունը գնալով ավելի կբարձրանա, կօգնի Հայաստանի իշխանության մարմիններին բարձրացնել մարդու իրավունքների պաշտպանության մակարդակը: Այս մասին կառավարության նիստում հայտարարել է վարչապետ Նիկոլ Փաշինյանը:
Վարչապետը ողջունել է մարդու իրավունքների նորընտիր պաշտպան Քրիստինե Գրիգորյանին և հաջողություն մաղթել հետագա աշխատանքում: Քրիստինե Գրիգորյանը նշել է, որ մարդու իրավունքների պաշտպանի մանդատը լավագույն ձևով իրականացնելու համար կարևորվում է գործակցությունը իշխանության բոլոր ճյուղերի հետ:
Նիկոլ Փաշինյանը նշեց նաեւ, որ մի նոր երևույթ է առկա ՀՀ-ում: Առաջին անգամ ՄԻՊ-ը պաշտոնավարել է մինչև իր ժամկետի վերջին օրը: Մինչ այդ եղել է 3 պաշտպան, որոնք մանդատի ժամկետը չլրացած հրաժարական են տվել: