ԱՀ քննչական կոմիտեի հատկապես կարևոր գործերով քննության վարչությունում քննվող քրեական գործի շրջանակներում ԱՀ քրեական օրենսգրքի 184-րդ հոդվածի 2-րդ մասի 3-րդ կետով և 345-րդ հոդվածի 1-ին մասով կատարած արարքների համար որպես մեղադրյալ է ներգրավվել Ստեփանակերտ քաղաքի 1989թ ծնված բնակիչը:
Մեղադրյալը 2020թ սեպտեմբերի 27-ին ԱՀ նկատմամբ սանձազերծած պատերազմի հետևանքով ադրբեջանի զինված ուժերի վերահսկողության տակ անցած ԱՀ բնակավայրերից տարահանված բնակիչներին իր կողմից փաստացի շահագործվող հյուրանոցային տնտեսության օբյեկտում բնակեցնելու գործընթացում ի սկզբանե նպատակ չունենալով սննդի ապահովման ծառայություններ մատուցելու, շահադիտական դրդումներից ելնելով, 2020թ նոյեմբերի 30-ից մինչև 2021թ հունվարի 14-ն ընկած ժամանակահատվածում առանց սննդի ծառայություններ մատուցելու, դրա վերաբերյալ ԱՀ տարածքային կառավարման և ենթակառուցվածքների նախարարության պաշտոնատար անձանց հետ հյուրանոցային ծառայությունների և սննդի մատուցման վերաբերյալ կնքված պայմանագրերում՝ իրավաբանական նշանակություն ունեցող փաստ հաստատող պաշտոնական փաստաթղթերում դիտավորությամբ ներառել է կեղծ տեղեկություններ և պետությունից խարդախությամբ հափշտակել խոշոր չափերի հասնող 1.316.000 ՀՀ դրամ գումար։
Նախաքննությունը շարունակվում է։