Կառավարության նիստում վարչապետ Նիկոլ Փաշինյանն անդրադարձավ Արցախի Փառուխ գյուղի և Քարագլուխ բարձունքի շուրջ իրավիճակին։
«Ադրբեջանական ստորաբաժանումների ներխուժումը Լեռնային Ղարաբաղում Ռուսաստանի Դաշնության խաղաղապահ զորախմբի պատասխանատվության գոտու Փառուխի հատված չափազանց անհանգստացնող փաստ է, որն էական է իրադրության ընդհանուր գնահատման տեսակետից։ Եվ մենք հույս ունենք, որ Լեռնային Ղարաբաղում Ռուսաստանի Դաշնության խաղաղապահ զորախումբը կապահովի ադրբեջանական ստորաբաժանումների լիարժեք դուրսբերումը»,- ասաց Նիկոլ Փաշինյանը։