Ավելի քան 1,5 հազար մարդ պատասխանատվության է ենթարկվել ամբողջ Ղազախստանում արտակարգ դրությունը խախտելու համար: Այս մասին նշվել է օպերատիվ շտաբի նիստում, որը վարել է նախագահ Կասիմ-Ժոմարտ Տոկաևը։
«Ընդհանուր առմամբ երկրում ավելի քան 1500 մարդ է պատասխանատվության ենթարկվել արտակարգ դրությունը խախտելու համար», – ասված է հաղորդագրության մեջ։
Իսկ օպերատիվ շտաբի Telegram-ալիքը հաղորդել է, որ Ղազախստանի իրավապահ մարմինները մոտ 8 հազար մարդու են ձերբակալել երկրում տեղի ունեցած անկարգությունների հետ կապված։
«Ամբողջ երկրում բերման է ենթարկվել 7939 մարդ։ Իրավապահները Ալմաթիի երկու շուկաներում Ազգային գվարդիայի և հատուկ նշանակության ջոկատի զինծառայողների հետ ձերբակալել են 207 մարդու»,- ասված է հաղորդագրության մեջ։
