Հայաստանի արտաքին գործերի նախարար Արա Այվազյանի խոսքով մեր տարածաշրջանը թևակոխել է նոր մարտահրավերներով լի շրջան, որն առավել հրամայական է դարձնում տարածաշրջանում կայունության, անվտանգության և խաղաղության մեջ շահագրգռված գործընկերների հետ համագործակցության ամրապնդումը։ Այս մասին ՀՀ ԱԳ նախարարն ասել է ԱԺ արտաքին հարաբերությունների մշտական հանձնաժողովի արտահերթ նիստում։
«Միաժամանակ, այդ զարգացումներն ի ցույց դրեցին, որ մենք կարիք ունենք ԵԱՀԿ Մինսկի խմբի ուժեղ համանախագահության, որը կկարողանա առաջնորդել խաղաղ գործընթացը տարիների ընթացքում մշակված սկզբունքների և տարրերի հիման վրա»,- ասաց Այվազյանը։
Ըստ Այվազյանի՝ պատերազմից հետո ՀՀ ԱԳՆ-ն ձեռնամուխ եղավ ստեղծված նոր իրավիճակում Հայաստանի մոտեցումների մշակման, որոնք առաջին անգամ համապարփակ կերպով ներկայացվեցին դեկտեմբերի սկզբին ԵԱՀԿ նախարարական խորդի նիստի ժամանակ։
