Ռուսաստանի ԱԳՆ մեկնաբանել է հայ-ադրբեջանական սահմանում ստեղծված իրավիճակը.
«Շարունակում ենք ուշադիր հետևել Ադրբեջանի ու Հայաստանի միջև սահմանային միջադեպի հետ կապված վիճակին։ Ռուսական կողմը Բաքվին ու Երևանին օգնում է լարվածության թուլացման գործում բարձրագույն ու բարձր մակարդակներով կանոնավոր շփումների ժամանակ։ Մեր երկրների զինվորականների ու սահմանապահ ծառայությունների միջև օպերատիվ կապ է պահպանվում։
Հաստատում ենք հրադադարի ռեժիմի խստագույնս պահպանման, ինչպես նաև 2020 թվականի նոյեմբերի 9-ի և 2021 թվականի նոյեմբերի 11-ի Ադրբեջանի, Հայաստանի ու Ռուսաստանի ղեկավարների հայտարարությունների այլ դրույթների անխտիր կատարման անհրաժեշտությունը։
Նման միջադեպերը պետք է լուծել բացառապես խաղաղ, բանակցային ճանապարհով։ Որպես երկարաժամկետ լուծում տեսնում ենք ադրբեջանա-հայկական սահմանի սահմանազատման գործընթացի մեկնարկը և դրան հաջորդող սահմանագծումը։ Ռուսաստանի Դաշնությունը պատրաստ է շարունակել ամեն կերպ աջակցել Հարավային Կովկասում իրավիճակի հետևողական կարգավորմանը»,- նշված է ՌԴ ԱԳՆ մեկնաբանության մեջ։
