Միայն հանգստյան օրերին՝ հունիսի 25-ին և 26-ին, ռուսական զորքերը 60-ից 80 հեռահար հրթիռ են արձակել Ուկրաինայի ուղղությամբ, որոնց ընդհանուր արժեքը կազմում է 150-220 միլիոն դոլար: Այս մասին հայտնում է Ֆորբսը։
Հաղորդվում է, որ ռուսական զորքը հրթիռների մեծ մասն արձակել են Ժիտոմիրի շրջանում (մոտ 30), եւս 20 հրթիռ՝ Չեռնիգովի շրջանում։ Բացի այդ, հրթիռակոծության են ենթարկվել Կիևը, Խմելնիցկին, Լվովը, Նիկոլաևը, Խարկովը և Դնեպրոպետրովսկը։
Forbes-ի տվյալներով՝ Ռուսաստանը օգտագործել է իր ունեցած հրթիռների ողջ զինանոցը, այդ թվում՝ Տոչկա Ու, Իսկանդեր, Կալիբր և այլն։
Հիշեցնենք, որ երկուշաբթի օրը՝ հունիսի 27-ին, Ռուսաստանը շարունակել է հրթիռներ արձակել ուկրաինական քաղաքների ուղղությամբ։ Մասնավորապես, ռուսական հրթիռներից մեկը խոցել է Պոլտավայի շրջանի Կրեմենչուգ քաղաքի առևտրային կենտրոնը։ Այս պահին հայտնի է 18 զոհվածների մասին։
