Փլուզում Լենինգրադյան փողոցից դեպի Ծիծեռնակաբերդի խճուղի տանող հատվածում
Մայիսի 20-ին, ժամը 06:55-ին Ճգնաժամային կառավարման ազգային կենտրոն ահազանգ է ստացվել, որ Երևանի Լենինգրադյան փողոցից դեպի Ծիծեռնակաբերդի խճուղի տանող հատվածում տեղի է ունեցել ճանապարհահատվածի փլուզում։
Դեպքի վայր է մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ և Ճգնաժամային կառավարման ազգային կենտրոնի օպերատիվ խումբը։
Պարզվել է, որ ճանապարհահատվածից մոտ 22 քմ փլուզվել է, երեք արտաքին լուսավորման սյուն շրջվել, վնասվել են մալուխներ և կոյուղատար խողովակ. փլուզման հետևանքով Ծիծեռնակաբերդի խճուղին երկկողմանի փակ է․ տուժածներ չկան։
Փրկարարները սահմանազատել են տարածքը։
