Տարիներ առաջ, երբ դեռևս պատանի Հրանտ Թադևոսյանին Մարտիրոս Սարյանը էտյունդիկ էր նվիրում, նա չէր էլ կարող երազել, որ Հայաստանի Հանրապետության վաստակավոր նկարիչ կոչումին կարժանանա։
Ազգային պատկերասրահում տեղի ունեցավ Հրանտ Թադևոսյանի 85֊ամյակին նվիրված անհատական ցուցահանդեսը, որում ներկակացված էին նկարչի՝ 6000 գործերից 53 աշխատանք։
Ցուցադրված գործերում գերակշռում են վառ գույներով ծաղիկները, եկեղեցիները, աբստրակտ ոճի տարբեր նկարներ։
Հրանտ Թադևոսյանը կարևորում է իր նկարների միջոցով դրական լիցքեր հաղորդելը․ «Ցանկանում եմ, որ իմ նկարները նայողներն իրենց լավ զգան, հայեցի զգան, բնությունը սիրեն և արժևորեն։ Ես այս ամենի քարոզիչն եմ»։
Վաստակավոր նկարիչը սիրում է ստեղծագործել բնության գրկում, խաղաղ և ներդաշնակ միջավայրում։ Նկարում է առանց նախատիպ ստեղծելու, իսկ երբ հասնում է նկարի վերջնական արդյունքին՝ շնորհակալ է լինում այդ ձևով ապրելու համար։
Հեղինակ՝ Անի Էվինյան