Transfermarkt կայքի տվյալներով բոլիվիացի դարպասապահ Դիեգո Սամորան տեղափոխվել է Հայաստանի ֆուտբոլի բարձրագույն առաջնությունում հանդես եկող Չարենցավանի «Վան» ակումբ:
29-ամյա ֆուտբոլիստը նախկինում պաշտպանել է բոլիվիական «Ռեալ Տոմայապո» ակումբի դարպասները:
Հիշեցնենք, որ նախօրեին չարենցավանյան ակումբի պաշտոնական ֆեյսբուքյան էջում հրապարակվել էր ևս մեկ նորեկի վերաբերյալ տեղեկություն: «Վայնին» է միացել 23-ամյա կոլումբիացի կենտրոնական պաշտպան Խուան Դանիել Սիֆուենտես Վերգարան: Սիֆուենտեսը Հայաստանի առաջնություն է տեղափոխվել Ուրուգվայի «Ռասինգ»-ից, որի հետ հաղթել է Երկրորդ դիվիզիոնում և ստացել Պրեմիեր լիգայի ուղեգիր։ Մինչ այդ Դանիելը հանդես է եկել կոլումբիական «Ամերիկա Դե Կալի»-ում, որի կազմում 2020 թվականին դարձել է Պրեմիեր լիգայի չեմպիոն։
