Ցանկանում եմ հրավիրել մեր միջազգային գործընկերների ուշադրությունն այն փաստի վրա, որ օրեր շարունակ Արցախում գազի մատակարարումը իբր տեխնիկական պատճառներով չվերականգնելու պատրվակով Ադրբեջանը փաստացի գազից զրկել էր արցախահայությանը։ Այս մասին Ազգային Ժողովի այսօրվա նիստի ընթացքում հայտարարել է «Քաղաքացիական պայմանագիր» խմբակցության պատգամավոր Հռիփսիմե Գրիգորյանը։
«Վերջապես վերականգնվել էր գազամատակարարումը, սակայն երեկ կրկին Արդբեջանի կողմից այն դադարեցվել է։ Եվ սա խստորեն դատապարտելի է, և ես կարծում եմ, որ մեր միջազգային գործընկերները պետք է անհապաղ քայլեր ձեռնարկեն։ Մենք առաջին հերթին Արցախի իշխանությունների և ռուսական խաղաղապահ ուժերի հետ գործակցելով՝ զբաղվում ենք այս խնդրով և շարունակելու ենք զբաղվել։ Սակայն ես պահանջում եմ, որպեսզի Ադրբեջանը ժամ առաջ, րոպե առաջ վերականգնի գազի մատակարարումը։ Սա բացառապես հումանիտար հարց է»,- ասաց պատգամավորը։
